मिडियाबाजी डटकम काठमाडौँ, साउन २ । लोकप्रिय गायिका सुनिता बुढाक्षेत्रीको स्वर रहेको योवर्षको तीज विशेष गीत ‘बिजुली चमक्क’ सार्वजनिक गरिएको छ ।
वरिष्ठ गायक तथा संगीतकार कस्तुप पन्तको शब्द तथा संगीत रहेको गीतमा एचबिएन किस्मतको एरेन्ज छ ।
डान्सिङशैलीमा तयार गीत सुरुको समयदेखिनै चर्चामा रहन सफल छ । सार्वजनिक भएको २४ घण्टामा १ लाख ७४ हजार बढी भिउज पाउँदै चर्चामा कमाउन सफल गीत युट्युब ट्रेन्डिङमासमेत परेको छ ।
मनु पन्तको प्रस्तुति रहेको गीतमा मोडल अञ्जली अधिकारीको हट नृत्यले भरिएको छ ।
फिल्मी शैलीमा निकै खर्च गरेर निर्माण गरिएको भिडियोमा थुप्रै कोरसको पनि प्रयोग गरेका छन् । भिडियो स्मृति तिमिल्सेना ‘गुरुआमा’ले निर्देशन गर्नुभएको हो । भिडियोमा करण चैसिरको छायांकन र शिव पौडेलको सम्पादन छ ।
भिडियोको निर्माण उमंग फिल्म्सले गरेको हो ।
