मिडियाबाजी डटकम काठमाडौं,पौष २८ । गीतकार विदुर राज गिरीको पछिल्लो समयमा आएको गीत ‘व्यथा’ ले कमाएको पैसा उपचार अभावमा छटपटीरहेका बिरामीका लागी खर्च गरिने भएको छ ।
निकै मार्मिक तथा दुःखका शब्दले भरिपूर्ण गीत कर्णप्रिय छन् । गीतको भिडियोमा पनि एक व्यक्तिको जीवनमा आइपर्ने विभिन्न पिर, व्यथा देखाइएको छ । कलाकार विनोद श्रेष्ठ, सोनीका बास्तोला, गीतकार गिरी , ब्रिजेशराज गिरी लगायतको अभिनय रहेको भिडियोमा एउटा पुरुष व्यक्तिको जीवनको उतारचढाव देखाइएको छ । भिडियोको निर्माता सुजाता गिरी हुन् ।
बिदुर राज गिरीको शव्द तथा बाबुल गिरीको आबाजमा कलाकारहरुको वेदनालाई समेटी सांगीतिक कोसेली “ब्यथा”बजारमा ल्याएका गिरिले उक्त सृजनाबाट युट्युब बाट एक वर्षमा संकलन भएको केही रकम बिरामीका लागी खर्च गरिने घोषणा गरेका हुन् ।
आम कलाकर्मीहरुको पिडा र दुखले भरीएको उक्त सांगीतिक कोसेलीबाट संकलन भएको केही रकम बिरामीका लागी खर्च गरिने भएको हुँदा हेरी साथ र हौसला दिन गिरिले दर्शकहरुमा आग्रह समेत गरेका छन् ।
उमेश गुरुङको निर्देशन रहेको भिडियोका व्यवस्थापक प्रदीप गिरी हुन् । सुनिल भण्डारीको छायाङ्कन रहेको भिडियो रोशन धितालले सम्पादन गरेका हुन् । सुबि प्रोडक्सनले निर्माण गरेको भिडियो गीतकार गिरीको आफ्नै युट्युब च्यानलबाट सार्वजनिक भएको हो ।
