आजदेखि पुनः सञ्चालन हुँदै एनपीएल, दुई खेल हुने

  मङि्सर २५, २०८१

मिडियाबाजी डटकम काठमाडौँ , मंसिर २५ ।  एकदिनको विश्रामपछि नेपाल प्रिमियर लिग एनपीएलका खेल आज देखि पुन सञ्चालन हुँदै छन् ।
सदाझैँ आज पनि काठमाडौँको कीर्तिपुरस्थित त्रिवि क्रिकेट मैदानमा दुई प्रतिस्पर्धा हुनेछन् ।

बिहान ९ बजे सुरु हुने पहिलो खेलमा चितवन राइनोज र लुम्बिनी लायन्स तथा दिउँसो १ बजे सुरु हुने दोस्रो खेलमा कर्णाली याक्स र पोखरा एभेन्जर्स भिड्दै छन् । हालसम्म चार खेल खेलेको चितवनले ३ मा जित हासिल गरेको छ भने एउटामा हार भोगेको छ। चितवन राइनोजले पहिलो खेलमा काठमाडौँ गुर्खाजलाई ५ विकेट तथा दोस्रो खेलमा पोखरा एभेन्जर्सलाई ८७ रनले हराएको थियो भने तेस्रो खेलमा कर्णाली याक्ससँग ६ विकेटले हारेको थियो। फेरि चौथो खेलमा चितवनले सुदूरपश्चिम रोयल्सलाई ३३ रनले हराएको थियो । चितवन ६ अंकसहित तेस्रो स्थानमा छ ।

आज चितवनको प्रतिस्पर्धी रहेको लुम्बिनी लायन्स भने जितविहीन छ । अहिलेसम्म खेलेका चारै खेल हारेको लुम्बिनी अ‌ंकतालिकाको पुछारमा छ । लुम्बिनी पहिलो खेलमा विराटनगरसँग २ विकेट, दोस्रो खेलमा पोखरासँग १० विकेट, तेस्रो खेलमा सुदूरपश्चिमसँग ४५ रन तथा चौथो खेलमा जनकपुरसँग १ रनले हारेको हो । आजको दोस्रो खेलमा पोखरासँग भिड्न लागेको कर्णाली याक्सले यसअघि खेलमा ४ खेलमध्ये दुईमा जित हासिल गरेको छ भने दुईमा हार भोगेको छ । जसबाट उसले ४ अंक जोडेको छ । कर्णाली चौथो स्थानमा छ ।

तपाईंको प्रतिक्रिया

थप खबर