मिडियाबाजी डटकम काठमाडौँ,जेठ २६ । यौनिक तथा लैङ्गिक अल्पसंख्यकले शनिबार काठमाडौंमा ‘नेपाल प्राइड परेड’ निकालेका छन् ।
शान्तिवाटिकाबाट सुरू भएको गौरव र्याली नारायणचौर पुगेर समापन भएको थियो। विश्वभरका यौनिक तथा लैङ्गिक अल्पसंख्यकले जुन महिनामा ‘प्राइड परेड’ भनेर गौरव यात्रा मनाउँछन् ।
विशेषतः सन् १९६९ जुन महिनामा न्युयोर्कको स्टोनवाल दंगापछि यो गौरव यात्रा मनाइन थालेको हो । यात्रामा सहभागीहरुले आफ्नो पहिचान गलत हैन भन्दै विभिन्न प्लेकार्ड बोकेका थिए ।
