मिडियाबाजी डटकम काठमाडौँ , असोज १८ । आईसीसी महिला टी–२० विश्वकप क्रिकेट अन्तर्गत आज भारत र न्यूजिल्यान्डबीच खेल हुँदैछ ।
दुबई इन्टरनेशनल क्रिकेट स्टेडियममा हुने भारत र न्यूजिल्यान्डबीचको खेल साँझ ७ः४५ बजेबाट सुरु हुनेछ ।
हरमनप्रित कौरको कप्तानीमा रहेको भारतले हालसम्म उपाधि उचाल्न सकेको छैन । २०२० मा भएको विश्वकपमा फाइनलमा पुगेर उपाधि उचाल्नबाट चुकेको भारत यसवर्ष भने उपाधि उचाल्ने लक्ष्यसहित मैदान उत्रने तयारीमा छ ।
त्यस्तै सोफी डेविनको कप्तानीमा रहेको न्यूजिल्यान्ड पनि उपाधि जित्ने लक्ष्यसहित मैदान उत्रने छ । आजै हुने अर्को खेलमा दक्षिण अफ्रिका र वेस्ट इन्डिजबीच प्रतिस्पर्धा हुनेछ ।
