मिडियाबाजी डटकम काठमाडौँ , जेठ २१। भारतको उत्तर प्रदेश राज्यस्थित लखनउमा चोरी गर्न घरमा प्रवेश गरेका एक व्यक्ति निदाइराखेको अवस्थामा पक्राउ परेका छन्।
यो घटना जुन २ तारिक आइतबारको हो। प्रहरीका अनुसार लखनउको इन्दिरानगर क्षेत्रमा एक डाक्टरको घरमा पसेका ती चोर मदिराले मात्तिएका थिए । डाक्टरको परिवार वाराणासी गएका कारण घरमा कोहि थिएन । कोहि नदेखेपछि एसी खोलेर उनी आनन्दले भुइँमा सुतेका थिए।बिहान घरको सामुन्ने गेट खुला देखेपछि छिमेकीहरूले ती डाक्टरलाई फोन गरे। डाक्टरले आफू घरमा नभएको बताउँदै प्रहरीलाई बोलाए।त्यसपछि प्रहरी टोली घरमा आइपुग्यो र सुतिरहेका व्यक्तिलाई उठाएका थिए।
