मिडियाबाजी डटकम काठमाडौं, फागुन १७ ।नेपाल प्रहरीको केन्द्रीय अनुसन्धान व्युरोले ठगी मुद्दामा पक्राउ परेका पृथ्वीबहादुर शाहले ५६ जना अमेरिकी नागरिकसँग ठगी गरेको जनाएको छ ।
बुधबार काठमाडौंमा पत्रकार सम्मेलन गर्दै व्युरोले शाह र उनका सहयोगी मिलेर बिभिन्न कम्पनी नै खडा गरेर नेपालको कानूनबिपरित बिदेशी मुद्रा समेत भित्राएको खुलेको जनाएको छ ।
अमेरिकी नागरिकसँग एन्टीभाइरस, बिल भुक्तानी लगाएतका सम्बन्धमा सम्पर्क स्थापीत गरेर ठगी गरेको खुलेको व्युरोले जनाएको छ । अवैध रुपमा ठगि गरिएको रकम थाइल्याण्ड समेत पठाउने गरेको पाइएको व्युरोका प्रवक्ता सञ्जय सिंह थापाले जानकारी दिए ।
पिडित व्यक्तिहरुबाट ४५ लाख ४६ हजार अमेरिकी डलर, २२ हजार पाउण्ड र तीन लाख क्यानडियन डलर ठगी गरिएको देखिएको उहाले बताए।
त्यस्तै व्युरोले शाहसहित उनका सहयोगीविरुद्ध ठगी, संगठित अपराध, सहकारी ठगी र लिखतसम्बन्धी कसूर गरी चारवटा मुद्दा दायर गर्न सुझाव दिएको छ।
