मिडियाबाजी डटकम काठमाडौं,भाद्र १२।आर्सनलले प्रिमियर लिग फुटबलमा शतप्रतिशत जितलाई निरन्तरता दिँदै शनिबार राति फुलहमलाई २-१ ले पराजित गरेको छ । एक गोलले पछि परेको आर्सनलले पुनरागम गर्दै फुलहमलाई २-१ ले हरायो ।
घरेलु मैदानमा आर्सनललाई जित दिलाउन मार्टिन ओडेगार्ड र गाब्रियल मागलहेसले एक एक गोल गरे । फुलहमका एलेक्जान्डर मिट्रोभिचले गोल गरे । यस सिजन आर्सनलको यो लगातार चौथो जित हो ।जितपछि आर्सनल चार खेलबाट १२ अंकसहित शीर्ष स्थानमा छ । ६४औं मिनेटमा ओडेगार्डले आर्सनलका लागि बराबरी गोल फर्काए । ८५ औं मिनेटमा गाब्रियलले गोल गर्दै आर्सनललाई २-१ को जित दिलाएका थिए ।
