मिडियाबाजी डटकम काठमाडौं, पौष १२ । ‘तिम्रो मेरो साथ’ को मोफसल टुर आजबाट सुरु भएको छ। पोखराबाट सुरु भएको मोफसल यात्रा बुटवल, नारायणगढ, हेटौंडा, बिराटनगर, बिर्तामोड हुँदै काठमाडौंमा आएर सम्पन्न हुनेछ । पोखरामा दर्शक तथा मिडियाकर्मीबाट मिलेको साथले पनि निकै ठुलो हौसला मिलेको अभिनेत्री साम्राज्ञी राज्यलक्ष्मी शाहले बताइन्। त्यसैगरि, अभिनेता पुष्प खड्काले पनि अन्य शहरमा न्यानो साथ र स्वागतको अपेक्षा राखेको सुनाए ।
फिल्मको सार्वजनिक टिजर, गीत र ट्रेलरबाट मिलेको प्रतिक्रियाले आफु र आफ्नो टिम निकै उत्साहित भएको निर्देशक रमेश एमके पौडेलले बताए ।
पुस २९ गतेबाट प्रदर्शन हुने फिल्ममा साम्राज्ञी र पुष्पका साथै सन्दिप क्षेत्री, सरोज खनाल, खड्क बहादुर पुन कलाकारहरुको अभिनय छ । पासाङ लामा, अर्नव पौडेल र आर्यन पौडेलको लगानी रहेको फिल्को कथा सबिर श्रेष्ठ र बाबुराम निरौलाले मिलेर लेखेका हुन ।
