मिडियाबाजी डटकम काठमाडौं,श्रावण ९ । हिन्दू नारीहरूको महान् पर्व तिजलाई लक्षित गरी नेपाली लोक तथा दोहोरी गीत क्षेत्रकी गायिका भावना आचार्यले नयाँ तिज गीत सार्वजनिक गरेकी छिन् । ‘चट्ट रातो सारीमा देखिन्छु रे परी म’ बोलको तिज गीतमा भावनाको स्वरसँगै शब्द र संगीत पनि रहेको छ । यस गीतमा कोरस स्वर चेतना बिकेको रहेको गीतको भिडियोमा भावनासँगै मनिता कुलालले नृत्य गरेका छन् भने उनीहरूलाई अशोक धिताल र दिलिप ओखेडाले साथ दिएका छन् ।
गीतको भिडियो
यो गीतलाई जय देवकोटाको मिक्सिङ, सिविल थापाको कोरियोग्राफिङ, सञ्जय श्रीपालको एरेन्ज गरेका छन् भने तरंग स्टुडियोमा रेकर्ड गरिएको हो । गितमा गम्भीर विष्टको निर्देशन तथा मुकेश हुमागाईंको छायांकन रहेको छ । भिडियोमा कबिता तोलंगीको मेकअप रहेको छ । भिडियो नविन निरौलाले सम्पादन गरेका हुन् । गीतलाई भावनाले आफ्नै युट्युव च्यानलबाट सार्वजनिक गरेकी छिन्।
