मिडियाबाजी डटकम काठमाडौं,मंसिर ८।गत मंसिर ४ गते सम्पन्न भएको प्रतिनिधि सभा निर्वाचनमा नेकपा (एमाले) र नेकपा (माओवादी केन्द्र) का महासचिव नै पराजित भएका छन्।
दुबै पार्टीमा महासचिवलाई अध्यक्षपछि शक्तिशाली पद मानिन्छ। एमाले महासचिवले माओवादी केन्द्रका उम्मेदवारसँग पराजय व्यहोरे भने माओवादीका महासचिवले एमालेका उम्मेदवारसँग हार व्यहोरेका हुन्। माओवादी केन्द्रका महासचिव देव गुरूङलाई एमालेका उपमहासचिव पृथ्वीसुब्बा गुरूङले हराएका छन्। माओवादीका महासचिव गुरूङ ३ हजार ९८ मतान्तरले पराजित भएका हुन्।उनले ३१ हजार ७ सय ८१ मतच ल्याए भने विजयी भएका छन्। एमाले उपमहासचिव गुरूङले ३४ हजार ९ सय ६९ मत ल्याएका छन्।
त्यसैगरी दाङ-२ ,बाट एमाले महासचिव शंकर पोखरेल पराजित भएका हुन् भने माओवादी केन्द्रका महासचिव देव गुरूङ लमजुङबाट पराजित भएका हुन्। एमाले महासचिव पोखरेललाई माओवादी केन्द्रकी रेखा शर्माले हराएकी हुन्। उनले १ सय ९६ मतान्तरसहित पोखरेललाई पराजित गरेकी हुन् ।
