मिडियाबाजी डटकम काठमाडौं । तीज नजिकिदै गर्दा नेपालमा सुन चाँदीको भाउ निरन्तर घटिरहेको छ । यसले गर्दा तीजमा गरगहना किन्नेलाई थोरै भएपनि राहत मिलेको छ । यसैक्रममा मंगलबार पनि सुनको भाउ तोलामा ३०० रुपैयाँले घटेको छ । नेपाल सुन चाँदी व्यवसायी महासंघका अनुसार मंगलबार छापावाल सुन प्रतितोला ३०० रुपैयाँले घटेर ९५ हजार रुपैयाँ कायम भएको छ । यसैगरी, तेजावी सुनको मूल्य तोलाको ९४ हजार ५०० रुपैयाँ निर्धारण भएको छ ।
यसअघि, सोमबार छापावाल सुन तोलाको ९५ हजार ३०० रुपैयाँमा कारोबार भएको थियो ।यसैगरी, तेजावी सुनको भाउ तोलाको ९४ हजार ८०० रुपैयाँ निर्धारण भएको थियो । यता, मंगलबार चाँदीको भाउ पनि तोलामा ५ रुपैयाँले घटेर ११ सय ६० रुपैयाँ कायम भएको छ ।
सोमबार चाँदीको भाउ प्रतितोला ११ सय ६५ रुपैयाँ कायम रहेको थियो । यता, अन्तर्राष्ट्रिय बजारमा पनि सुनचाँदीको मूल्यमा पछिल्लो समयमा निरन्तर गिरावट आएको छ । आज अन्तर्राष्ट्रिय बजारमा सुनको भाउ प्रतिऔंस १७ सय ३८ डलर तथा चाँदी प्रतिऔंस १८.९३ डलर हाराहारीमा कारोबार भैरहेको छ ।
