मिडियाबाजी डटकम काठमाडौँ । नेपाल क्रिकेट संघले प्रधानमन्त्रीकप वान डे क्रिकेट प्रतियोगिता ०७९ को खेल तालिका शुक्रबार जारी गरेको छ । प्रतियोगिता कार्तिक १३ बाट सुरु हुनेछ र फाइनल २६ गते रहेको छ । खेल राउन्ड रोबिनको आधारमा हुनेछ ।कुल १० टिम सम्मलित प्रतियोगिता टियु र मूलपानी क्रिकेट मैदानमा हुनेछन् । सहभागी १० टिमलाई दुई समूहमा विभाजन गरिएको छ ।
समूह ‘ए’ मा एपीएफ र आर्मीसँगै कर्णाली, गण्डकी र सुदूरपश्चिम प्रदेश छन् ।यस्तै समूह ‘बी’ मा एपीएफसँगै वाग्मती, लुम्बिनी, मधेस र प्रदेश नम्बर १ रहेका छन् । लिग चरणको समाप्तीमा प्रत्येक समूहको शीर्ष दुई टिमले सेमिफाइनल यात्रा तय गर्नेछ ।
प्रतियोगिताको पहिलो दिन त्रिवि क्रिकेट मैदानमा एपीएफ र आर्मी तथा मूलपानीमा पुलिस र वाग्मतीबीच खेल हुनेछ । नेपाली घरेलु क्रिकेटमा वान डेको यो नै सबैभन्दा ठूलो प्रतियोगिता हो ।
