मिडियाबाजी डटकम काठमाडौं, असोज १। प्रमुख प्रतिपक्षी दल नेकपा (एमाले)ले संविधान दिवसको अवसरमा शनिबार काठमाडौँमा वाकाथन (पदयात्रा) को आयोजना गरेको छ। ‘संविधानको सात वर्षे यात्रा, युवा सँग(सँगै पदयात्रा भन्ने मुल नारा’का साथ एमालेले पदयात्रा आयोजना गरेको हो।
पदयात्रामा अध्यक्ष केपी शर्मा ओलीलगायत एमालेका शीर्ष नेता सहभागी भएका छन्।पदयात्रा बिहान ७ बजेबाट उपत्यकाका बानेश्वर, मैतिदेवी, लैनचौर, कालिमाटी र ललितपुरको कुपण्डोलबाट सुरू भएको थियो। पदयात्राको नेतृत्व अध्यक्ष केपी शर्मा ओली आफैंले गरेका थिए।
