मिडियाबाजी डटकम काठमाडौं,असोज २८। समृद्धिको सुरुवात हाम्रो घरको भान्सा सुलभ बनाउने एजेण्डाले झापामा चर्चा पाउन थालेको छ। प्रतिनिधि तथा प्रदेशसभा निर्वाचनमा झापा क्षेत्र नंम्बर ५ (ख) बाट प्रदेश सभा सदस्यमा दमकका युवा छबि सिटौलाले ‘लौरो ‘ चुनाव चिन्ह लिएर स्वतन्त्र उम्मेदवारी मनोनयन दर्ता गराउँदै यो एजेण्डा अघि सारेका हुन् । यो निर्वाचन क्षेत्र केपी शर्मा ओलीको समेत निर्वाचन क्षेत्र हो।
उहाँको मुख्य एजेण्डा नै हाम्रो भान्सा सुलभ बनाउने रहेको छ उहाँ भन्नुहुन्छ “समृद्धिको शुरुवात हाम्रो भान्सा ( kitchen ) बाटै गरिनुपर्छ । “जबसम्म हाम्रो घरको भान्सा सस्तो र सर्वसुलभ हुँदैन तबसम्म हामिलाइ अन्य कुनैपनी विकासले छुँदैन ।”
झापाको दमक-१०, निवासी सिटौला पेशाले भौतिक विज्ञान विषयतर्फको अध्यापक हुनुहुन्छ । सामाजिक अभियान्ता तथा बौद्धिक व्याक्तित्व सिटौलाले दमकको पाणीनि माध्यमिक विद्यालयबाट एसएलसी उत्तीर्ण गर्नुभएको हो । उच्च शिक्षा आर्जनको क्रममा सिटौला धरान, बिराटनगरका कलेज हुँदै पछिल्लो समय काठमाणडौंमा अध्ययन पुरा गरेपछि पेशाको रुपमा अध्यापकसँगै सामाजिक क्षेत्रमा कार्यरत हुनुहुन्छ ।
सबै वडा र गाउँ–टोलमा पुगेर मतदाताहरूबीच बिचार र भावना आदनप्रदान गरिसक्नुभएका सिटौलाको उम्मेदवारी दर्ता भएसँगै स्वतन्त्र रुपमा राजनीतिक चर्चा बढेको छ । शालिन, भद्र, नम्र, हसिला, तार्कित क्षमतावान र अग्ला कद भएका सिटौलाको आर्कषक ब्याक्तित्वले मतदाताहरूको मन लोभ्याएको छ ।
