मिडियाबाजी डटकम काठमाडौँ ,श्रावण २१। तमिम इकबाल बंगलादेशका लागि एकदिवसीय क्रिकेटमा आठ हजार रन पूरा गर्ने पहिलो खेलाडी बनेका छन् । उनी एकदिवसीय क्रिकेटमा आठ हजार रन पूरा गर्ने आठौं ओपनर हुन् । शनिबार भएको जिम्बावे विरुद्धको खेलमा उनले ६२ रन बनाउँदै ८ हजार रन पूरा गरेका हुन् ।
उक्त खेलमा बंगलादेश जिम्बावेसँग ५ विकेटले पराजित भएको थियो ।इकबालले आफ्नो एकदिवसीय क्रिकेटमा ५४औं अर्धशतक पनि पूरा गरेका छन् । इकबालको कप्तानी पछि उनले आफ्नो सात सिरिजमध्ये ६ सिरिज जितेका छन् ।
इकबालले सन् २००७ बाट एकदिवसीय क्रिकेट करियर सुरुवात गरेका थिए । बंगलादेशका लागि उत्कृष्ट ओपनरको रुपमा रहेका इकबाल टेष्ट क्रिकेटमा मुस्तफिजुर रहमानभन्दा एक स्थानले तल छन् ।- एजेन्सीको सहयोगबाट
