मिडियाबाजी डटकम काठमाडौं, मंसिर १८।बाजुराबाट प्रतिनिधिसभा सदस्यमा कांग्रेस सह-महामन्त्री बद्री पाण्डे निर्वाचित भएका छन् ।
पाण्डेले एमालेका कर्णबहादुर थापालाई पराजित गरेका हुन्। पाण्डेले ३१ हजार ७८६ मत प्राप्त गरी निर्वाचित भएका मुख्य निर्वाचन अधिकृतको कार्यालयले जनाएको छ ।उनका निकटतम प्रतिद्वन्द्वी थापाले २६ हजार ३४९ मत पाएका छन् । पाण्डे पाँच हजार ४३७ मतान्तरले निर्वाचित भएका हुन् ।
मंसिर ४ गते प्रतिनिधि र प्रदेशसभाको निर्वाचनको क्रममा त्यहाँको त्रिवेणी नगरपालिका-७ मा प्रहरीको गोली लागेर नेपाली काँग्रेस समर्थक सञ्जीव अयडीको निधन भएको थियो ।भोलीपल्ट आक्रोशित नेपाली काँग्रेसका कार्यकर्ताहरूले निर्घात कुटपिट गर्दा एमालेका चेतन अयडीको उपचारको क्रममा निधन समेत भएको थियो ।
