मिडियाबाजी डटकम काठमाडौं,भाद्र १९। संगीतकार संघ नेपालको अध्यक्षमा चेतन सापकोटा चुनिएका छन् । काठमाडौंमा शनिबार सम्पन्न ११ औं साधारण सभाले सापकोटाको अध्यक्षतामा ११ सदस्यीय कार्यसमिति चयन गरेको हो ।
वरिष्ठ उपाध्यक्षमा अष्ट लामा, प्रथम उपाध्यक्षमा सुदाम थापा र द्वितीय उपाध्यक्षमा राजन ईशान चयन भएका छन् ।यसैगरी महासचिवमा महासचिव बसन्त सापकोटामा, सचिवमा प्रह्लाद बोगटी र कोषाध्यक्षमा राजेश थापा छन् । सदस्यहरूमा अर्जुन पोख्रेल, राजनराज सिवाकोटी, शंकर स्माइल र दिनेश बान्तवा चयन भएका छन् ।कार्यक्रममा संगीतकार संघका संस्थापक अध्यक्ष एवं संघका संरक्षक शम्भुजित बास्कोटा, वरिष्ठ संगीतका दीपक जंगम, प्रकाश गुरुङ, बुलु मुकारुङ लगायतको सहभागीता थियो ।
