मिडियाबाजी डटकम काठमाडौं कार्तिक १७।नेपाली मुलका सिक्किम निवासी चर्चित गायक/सङ्गीतकार जीवन शर्मा उर्वरा राष्ट्रिय डायोस्पोरा सङ्गीत सम्मान २०७९ बाट सम्मानित हुने भएका छन् ।
बिगत ३ दशक देखि निरन्तर रुपमा नेपाली गीत सङ्गीतको क्षेत्रमा योगदान दिएबापत उहाँलाई यो सम्मान प्रदान गर्न लागिएको हो। उक्त सम्मान समारोहमा उहाँ लगाएत अन्य फरक क्षेत्रका व्यक्तित्वहरू पनि सम्मानित हुँदै हुनुहुन्छ। मङ्सिरको दोस्रो साता नेपालको राजधानी काठमाडौंमा आयोजित एक भव्य समारोहका बीच गायक जीवन शर्मालाई उर्वरा राष्ट्रिय डायोस्पोरा सङ्गीत सम्मान प्रदान ऊर्वरा फाउन्डेसनकी अध्यक्ष देवकी अभिलाषीले मिडियाबाजी डटकमलाई जानकारी दिनुभयो।
