मिडियाबाजी डटकम काठमाडौं,मंसिर १६। आज चलचित्र बिकास बोर्डको सभाहलमा भव्य समारोहका बीच बुहारी सिरियलले सयौं शृंखलाको सुखद उपलक्ष्यमा सम्मान कार्यक्रम सम्पन्न भएको छ।
‘बुहारी’ सिरियल आर टि एस एन मिडिया प्रा लिको ब्यानरमा रामचन्द्र बोहोराको लेखन तथा निर्देशनमा निर्माण भएको सिरियल (टेलिचलचित्र) हो । सम्मान कार्यक्रमको अध्यक्षता बरिष्ठ कलाकार लक्मी गिरीले गर्नुभएको थियो । कार्यक्रमको प्रमुख अतिथिमा बरिष्ठ कलाकार निर शाह हुनुहुन्थ्यो कार्यक्रममा सिरियलमा सम्पूर्ण टिमलाई र मिडिया संस्थाहरूलाई र अन्य विभिन्न सिरियलहरू सक्किगोनी, भद्रगोल,जुठे मेरी बास्सै लगाएतलाई सम्मान पत्र सहित सम्मान गरेको छ।
कार्यक्रममा ख्याति प्राप्त कलाकारहरूको भव्य उपस्थिति रहेको थियो। प्रमुख अतिथि निर शाहले सिरियललाई सफलताको शुभकामना दिनुभएको थियो। बुहारी सिरियल हरेक शुक्रबार बुहारी अफिसियल युटुब च्यानलबाट प्रसारण हुने गर्दछ। कार्यक्रमको सञ्चालन सञ्चारकर्मी सरिता श्रेष्ठले गर्नुभएको थियो।
