असोज ३ जाजरकोट / रेड पाण्डाको छालासहित एक जनालाई प्रहरीले पक्राउ गरेको छ । पक्राउ पर्नेमा बारेकोट गाउँपालिका–५ नायकवाडाका १९ वर्षीय लोकेश परियार रहेको जिल्ला प्रहरी कार्यालय जाजरकोटका प्रहरी नायव उपरिक्षक मधुकुमार थापाले जानकारी दिए ।
आइतबार रेडपाण्डाको छाला बिक्री गर्न भनि नलगाड नगरपालिका–५ कालीमाटीस्थित होटलमा ल्याएको छ भन्ने गोप्य सूचनाको आधारमा परियारलाई पक्राउ गरेको प्रहरी नायव उपरीक्षक थापाले जानकारि दिए ।
परियारको साथबाट रेडपाण्डाको ४२ ईन्च लम्बाइ भएको ठूलो छाला एक थान र टाउको नभएको २२ इन्च लम्बाइ भएको सानो छाला एक थान बरामद गरेको डिएसपी थापाले बताए । पक्राउ परेका परियारलाई थप अनुसन्धान जारी रहेको बताएको छ ।
