असोज २ विराटनगर / मोटरसाइकलको ठक्करबाट शुक्रबार राति विराटनगरमा एक जनाको मृत्यु भएको छ । विराटनगर महानगरपालिका–६ स्थित बि एफएम छेउमा उत्तरबाट दक्षिणतर्फ जाँदै गरेको प्रदेश १–०२–०४४ प ९१० नम्बरको मोटरसाइकलले ठक्कर दिँदा विराटनगर–११ का ६० वर्षीय रामलखन साहको मृत्यु भएको हो ।
साँझ ६ बजेतिर भएको दुर्घटनामा गम्भीर घाइते भएका साहको उपचारका क्रममा नोबेल शिक्षण अस्पतालमा राति १२:३० बजेतिर मृत्यु भएको मोरङ प्रहरीका प्रवक्ता डीएसपी दीपक श्रेष्ठले जानकारी दिए ।
तीव्र गतिमा रहेको मोटरसाइकलले ठक्कर दिँदा पैदल हिँडिरहेका साहको टाउको र शरीरका विभिन्न भागमा चोट लागेको थियो । डीएसपी श्रेष्ठले दुर्घटनापछि फरार बनेका मोटरसाइकल चालक विराटनगर–६ का अन्दाजी ३० वर्षीय ओमप्रकाश कामतको खोजी जारी राखिएको बताए ।
