मिडियाबाजी डटकम काठमाडौं,मंसिर १३।नेकपा एमालेका अध्यक्ष केपी शर्मा ओलीले बागमती किनारामा रहेका सुकुम्बासीहरू हटाउनका लागि काठमाडौं महानगरपालिकाले थालेको अभियानको तमासा भयो भनेर व्यङ्ग्यात्मक आलोचना गरेका छन् ।
काठमाडौं महानगरपालिकाका मेयर बालेन साहको नाम नलिए पनि उनलाई लक्षित गर्दै ओलीले आलोचना गरेका हुन् । राष्ट्रिय जनसांस्कृतिक महासंघ नेपालको बधाई तथा शुभकामना कार्यक्रममा उनले सुकुम्बासी बस्तीमा तमासा भएको बताए ।
‘तपाईंहरूले हिजो देखिहाल्नुभयो, सुकुम्बासी बस्तीको तमासा र उनीहरुलाई हटाउने हाकिमका कुरा सुनी हाल्नुभयो, प्रहरीले, सरकारले सहयोग गरेन, सहयोग गरेको भए हामी उनीहरुलाई पराजित गर्थ्यौ,’ ओलीले भने, ‘त्यो के गरेको, उन्मात्तले समस्या समाधान हुँदैन ।’काठमाडौं महानगरका नगरप्रहरी प्रमुखले सुकुम्बासी बस्ती हटाउन सरकारले सहयोग नगरेको गुनासो गरेका थिए ।ओलीले फुसका छाप्रा भत्काउन डोजर लगिएको भन्दै व्यंग्य पनि गरे ।
भने, ‘छाप्रा भत्काउन पनि डोजर, मान्छे कुल्चिन डोजर ।’भनेर आलोचनात्मक व्यङ्ग्य प्रहार गरेका छन्।
