मिडियाबाजी डटकम काठमाडौं,भाद्र २२। साफ महिला च्याम्पियनसिप अन्तर्गत समूह एको खेलमा भारतले पाकिस्तानलाई ३-०ले हराएको छ ।दशरथ रंगशालामा भएको खेलमा भारतले आत्मघाती गोलबाट अग्रता लिएको थियो ।
२१ औं मिनेटमा पाकिस्तानी गोलरक्षक शाहिद बुखरीले पञ्च गरेको बललाई कप्तान मारियाले आफ्नै पोष्टमा गोल गरेकी हुन् ।त्यसको २ मिनेटमा नै भारतकी ग्रेस डाङ्मीले अन्जु तामाङको पासमा पहिलो बारमा गोल गरिन् र भारतलाई पहिलो हाफमा २-० को अग्रता दिलाइन् ।
भारतको लागि सोमिया गुगुलोथले इन्जुरी समयमा गोल गर्दै भारतलाई ३-० को जित दिलाईन् । ८ वर्षपछि अन्तर्राष्ट्रिय फुटबलमा फर्किएको पाकिस्तानले दोस्रो हाफमा केही चलायमान देखिए पनि गोल भने गर्न सकेन ।
