मिडियाबजी डटकम काठमाडौं। मुस्ताङमा भएको तारा एअर विमान दुर्घटनामा मृत्यु हुनेहरूमध्येको १० जनाको शव हिजो काठमाडौं ल्याइएको थियो । भेटिएका २१ मध्ये ११ जनाको शव र आज भेटिएको १ जनाको शव सहित नेपाली सेनाको हेलिकप्टरमार्फत पोखरा हुँदै काठमाडौं ल्याइँदै गरेको जानकारी प्राप्त भएको छ ।
उक्त दुर्घटनामा विदेशी ६ जनासहित २२ जनाको विमान दुर्घटनामा ज्यान गएको छ । खराब मौसमको कारणबाट उक्त दुर्घटना भएको अनुमान लगाइएको छ । दुर्घटनाग्रस्त विमानको भ्वाइस रेकर्डरपनि भेटिएको छ अब दुर्घटनाको खास कारण उक्त ककपिट भ्वाइस रेकर्डरको जाँचबाट पत्ता लगाउन सकिनेछ।
