मिडियाबाजी डटकम काठमाडौं ,फागुन ७ । नेदरल्याण्डसले नामिबियालाई सात विकेटले पराजित गरेको छ । आइसीसी क्रिकेट विश्वकप लिग–२ अन्तर्गत त्रिवि क्रिकेट मैदानमा सोमबार सम्पन्न खेलमा नेदरल्याण्डसले नामिबियालाई सात विकेटले पराजित गरेको हो ।
नामिबियाले दिएको १२४ रनको लक्ष्य पछाएको नेदरल्याण्डसले २७.२ ओभरमा ३ विकेट गुमाउँदै लक्ष्य पुरा गरेको थियो । यस अघि टस हारेर पहिला ब्याटिङ गरेको नामिबियाले ३५।१ ओभरमा अल आउट हुँदै १२३ रन मात्र बनाएको थियो ।
नामिबियाको ब्याटिङ्ग लाइन ध्वस्त गर्ने क्रममा नेदरल्याण्डसका बलर आर्यन दत्तले सर्बाधिक ६ विकेट लिएका थिए । आर्यनले ९ ओभरमा ३४ रन दिएर ६ विकेट लिएका थिए । यो जितसँगै नेदरल्याण्डसले लिग–२ मा २ अंक हासिल गरेको छ । लिग–२ का २–२ खेल सकिँदा नेपाल, नामिबिया र नेदरल्याण्डसको २–२ अंक भएको छ र रनरेटको आधारमा नेपाल शिर्ष स्थानमा रहेको छ ।
