मिडियाबाजी डटकम काठमाडौं,पौष २२। रामकृष्ण ढकालको स्वरमा ‘चिसो चिसो बताससँगै’ बोलको गीत सार्वजनिक भएको छ।
गत शनिबार एबि ड्रिम क्रियसन युट्युब च्यानलमार्फत गीत सार्वजनिक गरिएको हो। कमल दाहालको शब्द रहेको गीतमा राम गुरुङले संगीत भरेका छन्।विशाल गुरुङले निर्देशन गरेको म्युजिक भिडिओमा रमेश दियाली र मुना क्षेत्री, प्रिसिला घिमिरको अभिनय रहेको छ।पछिल्लो समय बढ्दो क्रममा रहेको सम्बन्ध विच्छेदसम्बन्धी घटनालाई गीतमा प्रस्तुत गरिएको छ। ‘यो गीतमा सम्बन्ध विच्छेदले बालमनोविज्ञानलाई कतिको प्रभाव पार्छ भन्ने कुरा देखाउन खोजेको छ,’ दियालीले मिडियाबाजीसँग भने।
अशोक भुजेलले छायांकन तथा सम्पादन गरेको यो गीतलाई उनले नै कोरियोग्राफी गरेका हुन्।
