मिडियाबाजी डटकम काठमाडौं, बैशाख ३० । टी-२० विश्वकप छनोटको एसिया क्षेत्रको छनोट प्रतियोगिता नेपालमा हुने भएको छ ।
सन् २०२४ को जुनमा अमेरिका र वेस्ट इन्डिजमा हुने टी(२० विश्वकपका लागि अन्तर्राष्ट्रिय क्रिकेट परिषद् आईसीसीले नेपाललाई एसिया क्षेत्रको छनोट चरणको प्रतियोगिता आयोजना गर्न दिएको नेपाल क्रिकेट संघ क्यानले जनाएको छ ।
क्यानका अध्यक्ष चतुरबहादुर चन्दका अनुसार नोभेम्बर १ देखि १० सम्म एसिया क्षेत्रको टी–ट्वान्टी विश्वकप छनोट प्रतियोगिता आयोजना गर्न आईसीसीले नेपाललाई आयोजनाको जिम्मेवारी दिएको हो । प्रतियोगिताका खेलहरू त्रिवि क्रिकेट मैदान कीर्तिपुर र मूलपानी क्रिकेट मैदानमा हुनेछ ।
एसियाको छनोटमा नेपालसहित, यूएई, ओमान, हङकङ, बहराइन र सिंगापुरले प्रतिस्पर्धा गर्ने छन् । बाँकी दुई छनोट चरण पार गरेर आउनेछन् ।
