मिडियाबाजी डटकम काठमाडौँ, कार्तिक १। जीवनमा सफलता प्राप्त गर्ने यात्रामा धेरै कठिनाइ र चुनौतीहरू आउँछन्।
सबैले सफलताको आकांक्षा राख्छन्, तर सबैलाई त्यो उचाइमा पुग्न सजिलो हुँदैन। कहिलेकाहीँ असफलता, बाधा, र असफलताको डरले मानिसलाई निराश बनाउँछ। तर, यस्ता समयमा जित्ने मानिसको सोचाइ फरक हुन्छ।
१. सकारात्मक सोच र आत्मविश्वास:जित्ने व्यक्तिले आफूले गर्न सक्ने काममा केन्द्रित हुन्छ। उनीहरूको सोचाइ सधैं सकारात्मक हुन्छ। असफलताहरूलाई एउटा सानो झट्का मात्र सम्झेर, तिनीहरू समाधान खोज्न लागिपर्छन्। हार वा असफलतामा फसेर, बहाना बनाएर नबस्ने मानसिकता नै जित्ने मानिसको पहिचान हो।
२. समस्यामा समाधान देख्ने क्षमता:समस्या सबैको जीवनमा आउँछन्, तर जित्ने मानिसले समस्यालाई अवसरको रूपमा हेर्छ। उनीहरू प्रत्येक समस्यामा समाधान खोज्छन् र कुनै पनि कठिनाइलाई चुनौतीको रूपमा लिन्छन्। बहाना बनाएर पछि हट्नुभन्दा, तिनीहरू अघि बढ्छन् र सुधारको बाटो पहिल्याउँछन्।
३. समयको सही उपयोग:समयको महत्व बुझ्ने मानिस कहिल्यै व्यर्थ समय खेर फाल्दैनन्। बहाना बनाउने मानिसले समय नपाएको, परिस्थितिले साथ नदिएको जस्ता कुरा गर्छन्। तर, जित्ने मानिसले हरेक समयलाई उत्पादक बनाउँछन्।
४. आफ्नो क्षमतामा विश्वास:बहाना बनाउने मानिसले प्रायः आफूलाई कमजोर ठान्छन्। तिनीहरू आफ्नो क्षमतामा विश्वास राख्दैनन्, र परिस्थितिलाई दोष दिन्छन्। तर, जित्ने व्यक्तिले आफ्नै क्षमतालाई पहिचान गरेर अगाडि बढ्छन्। उनीहरूले जान्दछन् कि कठिन परिश्रम र प्रतिबद्धताले उनीहरूलाई सफलताको शिखरमा पुर्याउँछ।
५. प्रयास र परिश्रम:जित्ने मानिस सधैं परिश्रम गर्छन्। उनीहरूले जीवनमा कुनै पनि कुरा सजिलोसँग पाइँदैन भन्ने बुझ्छन्। सफलताका लागि लगातार प्रयास गर्नु आवश्यक छ भन्ने तथ्यमा उनीहरूको विश्वास बलियो हुन्छ। बहाना बनाउँदै नथाक्ने, कहिल्यै हार नमान्ने र लक्ष्यप्रति अडिग रहनु नै जित्ने मानिसको विशेषता हो।६. सिक्न र अनुकूलन गर्न तयार:जित्ने व्यक्तिले सिक्ने बानीलाई कहिल्यै छोड्दैनन्। उनीहरू असफलता र समस्याबाट पनि केही न केही सिक्न तयार हुन्छन्। बहाना बनाउनेहरू अक्सर चुनौतीबाट डराउँछन्, तर जित्ने मानिसहरू चुनौतीलाई अँगाल्छन् र त्यसबाट नयाँ कुरा सिक्न मन पराउँछनजीवनमा असफलता भोग्नु स्वाभाविक हो, तर त्यसमाथि कस्तो प्रतिक्रिया दिने भन्ने कुरा तपाईंको जित र हारमा निर्णायक भूमिका खेल्छ।
बहाना बनाउने मानिसहरू सधैं आफ्ना असफलताको कारण खोजिरहछन् , जबकि जित्ने मानिसले समस्या समाधान गर्ने उपाय खोज्छन्। आत्मविश्वास, सकारात्मक सोच, निरन्तरता र परिश्रमले मात्र सफलताको द्वार खोल्न सक्छ।सफल मानिसहरू सधैं एक रूपमा लिन्छन् र कहिल्यै बहाना बनाउँदैनन्।
जिन्दगीमा सबै कुरामा कोहीमा पनि पूर्णता हुँदैन ।कुनै चीज हामी संग हुन्छ कुनै चीज हुँदैन। अधिकांश मानिसको नजरमा यही कुरा हुन्छ कि उ संग केही छैन जब कि बिजेताले सबै कुरा सम्भव देखि रहेको हुन्छ बिजेता सधैं आफूमा विश्वास गर्दछ।यहाँ सुन्नु होस् , तपाईं संग अथाह शक्ति छ क्षमता छ तर हामीले आफू संग भएको क्षमता लाई बाहिर निकाल्न नसकेको कारणले गर्दा हामी पछि परिरहेका छौं । यदि त्यो क्षमता जब बाहिर निस्किन्छ तब हामीले आफूले आफूलाई चिन्न सक्छौं। मानिसमा बहाना होइन चाहना हुनुपर्छ चाहना र बहाना एकै पटक जाँदैन बहाना अगाडि बढ्यो भने चाहना रोकिन्छ चाहना अगाडि बढ्यो भने बहाना रोकिन्छ । यदि चाहना बढ्यो भने कोही पनि एक साधारण मानिस एक दिन असाधारण मानिस बन्न सक्छ।यदि ऊ भित्र इच्छा शक्ति लगनशीलता धैर्यता अनि साहस छ भने। मानिसलाई अगाडि बढ्न परिस्थितिले होइन मनस्थितिले छेक्छ। त्यसैले हामीले परिस्थिति होइन मनस्थिति परिवर्तन गर्नु पर्छ।
कहिले हार नमान्ने को आदत बनाउनु होस् तपाईंको एक दिन जितको कारण बन्ने छ। कठिनाइ सबैको जीवनमा आउँछ निर्णय आफैले गर्ने हो । मजबूर बन्ने की मजबुत। जित्ने मान्छेले कहिले पनि हार्दैनन् । हार मान्ने मान्छेले कहिले पनि जित्न सक्दैन ।
लेखक: डिआर दाहाल (DR DAHAL)
MOTIVATIONAL SPEAKER FIFE COUCH AND AUTHOR
Email: drdahal369@gmail.com
