मिडियाबाजी डटकम काठमाडौं,कार्तिक २२। नेशनल लाईफ इन्स्योरेन्स कम्पनीको एजेन्सी म्यानेजर(अभिकर्ता प्रमुख)हरू विशेष सम्मान कार्यक्रम ‘लिडर नाइट’ चन्द्रागिरी डाँडामा सम्पन्न भएको छ ।
कार्तिक १९,२० र २१ गते तीन दिन सम्पन्न कार्यक्रममा कम्पनीको प्रमुख कार्यकारी अधिकृत सुरेश खत्रीले कम्पनीको श्रावण महिनाको अवधिमा लक्ष्य प्राप्त गर्ने ८७ जना लिडरहरूलाई सम्मान गरेका छन्। कार्यक्रममा नेपालको क्रिकेट खेलको राष्ट्रिय टिमका पूर्व कप्तान पारस खड्का विशेष आकर्षणका रुपमा उपस्थित थिए। श्रावण महिनाको एजेन्सी स्किममा चन्द्रागिरी हिल्समा राष्ट्रिय खेलाडी पारस खड्कासँग ‘लिडर नाइट’ पार्टी विशेष कार्यक्रम रहेको थियो। यो स्किमको लक्ष्य प्राप्तिमा सबैभन्दा धेरै एजेन्सी म्यानेजरहरूको सङ्ख्या कलंकी शाखाले उत्पादन गरेको थियो ।
कलंकी शाखाबाट सबैभन्दा धेरै १० जना उक्त स्किम अन्तर्गतको कार्यक्रममा भाग लिन पाउने भएका थिए। शाखाबाट यो स्किमको लक्ष्य प्राप्तिमा एक जना एजेन्सी म्यानेजरहरू(अभिकर्ताप्रमुख )सम्झना श्रेष्ठले दोहोरो लक्ष्य समेत प्राप्त गरेकी थिइन्। सबैभन्दा उत्कृष्ट बोनस प्रदान गर्न सफल नेशनल लाइफ इन्स्योरेन्स कम्पनी नेपालको सबैभन्दा पुरानो र वाणिज्य बैंक प्रवर्धक रहेको कम्पनी हो।
