मिडियाबाजी डटकम काठमाडौं,कार्तिक २८।म्यानचेस्टर युनाइटेडका फरवार्ड क्रिस्टियानो रोनाल्डोले म्यानेजर एरिक टेन हागप्रति कुनै सम्मान नरहेको बताएका छन् ।
पियर्स मोर्गनसँगको सनसनीपूर्ण अन्तरवार्तामा पोर्चुगिज खेलाडीले टेन हागको खुलेर आलोचना गरेका हुन् । उनले क्लबले आफूलाई धोका दिएको पनि दाबी गरे जसले गर्दा आफू कागको बीचमा बकुल्ला भएको बताए । रोनाल्डोले आफूले अझै पनि युनाइटेडको भलो होस् भन्ने चाहेको तर क्लब सही दिशामा अघि नबढेको जिकिर गरे ।
उतारचढावको यो सिजन रोनाल्डोले प्रिमियर लिगका मात्र चार खेलमा सुरुवात गरेका छन् । अहिले उनले आफ्नो असन्तुष्टि छताछुल्ल पारेका हुन् । ‘म उनलाई सम्मान गर्दिनँ किनभने उनले पनि मलाई सम्मान गर्दैनन्,’ टेन हागबारे उनले भने, ‘यदि कसैले मेरो सम्मान गर्दैन भने उसले कहिल्यै पनि मेरो सम्मान पाउने छैन ।’-एजेन्सीको सहयोगमा
