मिडियाबाजी डटकम काठमाडौं, भाद्र २० । पाकिस्तानमा जारी एसिया कपमा आज बुधबारदेखि सुपर फोरका खेल हुँदैछ ।
सुपर फोरमा स्थान बनाएको घरेलु टोली पाकिस्तान र बंगलादेशबीचको खेल दिउँसो सवा ३ः१५ बजेबाट सुरु हुनेछ । खेल पाकिस्तानको लाहोर स्थित गद्दाफी स्टेडियमा हुनेछ ।
हिजो समूह ‘बी’बाट श्रीलंका र बंगलादेश सुपर फोरमा पुगेसँगै सुपर चारको समिकरण पूरा भएको हो । समुह ‘ए’ बाट पाकिस्तान र भारत फोरमा पुगेका थिए । समूह ‘ए’बाट नेपाल र ‘बी’बाट अफगानिस्तानको समूह चरणमै एसिया कपको यात्रा समाप्त भएको छ ।
सुपर फोरमा शीर्ष दुई स्थानमा रहने देश फाइनलमा पुग्ने छ । फाइनल खेल सेप्टेम्बर १७ मा हुनेछ ।
