मिडियाबाजी डटकम काठमाडौं,कार्तिक ३०।अमेरिकाको न्यूयोर्क निवासी वरिष्ठ समाजसेवी हेम थापा उर्वरा राष्ट्रिय सम्मान २०७९ बाट सम्मानित हुने भएका छन् ।
बिगत दुई दशकदेखि निरन्तर रुपमा नेपालको सामाजिक कार्यमा अनाथ, असहाय, दुखी पिडित र दैबी प्रकोपमा परेका लाखौं लाख नेपाली दाजुभाइ तथा दिदी बहिनीहरूलाई सहयोग र उद्दार गर्दै आइरहनु भएका समाजसेवी हेम थापा र माया को फाउन्डेसन ‘हेम एण्ड माया फाउन्डेसन’ मार्फत आफ्नै पसिना र कमाइबाट समाज सेवा गर्दै आइरहनु भएको छ।
उहाँको यो महानता र योगदानको मुल्यांकन गर्दै उहाँलाई यो सम्मान प्रदान गर्न लागिएको हो। यहि आउदो मङ्सिरको १४ गते नेपाली काँग्रेसका महामन्त्री एवं लोकप्रिय युवा नेता गगन थापाको प्रमुख आतिथ्यतामा काठमाडौंको नेपाल पर्यटन बोर्डको सभाहलमा आयोजित एक भव्य समारोहमा समाजसेवी हेम थापालाई यो सम्मान प्रदान गर्न लागिएको उर्वरा फाउन्डेसनकी अध्यक्ष देबकी अभिलाषीले मिडियाबाजी डटकमलाई जानकारी दिनु भयो।
