मिडियाबाजी डटकम काठमाडौं,मंसिर १०।यही मंसिर १४ गते हुन गईरहेको उर्वरा राष्ट्रिय सम्मानमा ‘उर्वरा राष्ट्रिय लोक प्रतिभा २०७९’ सम्मानबाट लोक कलाकार सुरेन्द्र गुरुङ सम्मानित हुने भएका छन्।
साहित्य,संगीत,समाजसेवा,पत्रकारिता, लघुवित्त,पर्यटन, वाणिज्य लगायतका क्षेत्रमा विशेष योगदान पुर्याउनुहुने व्यक्तिहरूलाई सम्मान गर्न लागिएको निर्णय सार्वजनिक गर्न लागेको कुरा आयोजक संस्थाकी अध्यक्ष देबकी अभिलाषीले बताउनु भयो।
फाउण्डेशनको संस्थागत निर्णय अनुसार १४ जना व्यक्तिहरूले सम्मान प्राप्त गर्ने हुनुभएको छ।फाउण्डेशनको निर्णय अनुसार,उर्वरा राष्ट्रिय लोक प्रतिभा सम्मानबाट सुरेन्द्र गुरुङ,उर्वरा राष्ट्रिय जलविद्युत ऊर्जा सम्मानबाट गणेश कार्की, उर्वरा राष्ट्रिय संगीत सम्मानबाट चर्चित गायक अशोक मुकारुङ, उर्वरा डायोस्पोरा संगीत सम्मानबाट गायक जीवन शर्मा,उर्वरा डायोस्पोरा समाजसेवी सम्मानबाट समाजसेवी हेम थापा,उर्वरा राष्ट्रिय रेडियो पत्रकारिता सम्मानबाट गीतकार,रेडियो,पत्रकार तुलसी बस्नेत,उर्वरा राष्ट्रिय सम्मानबाट कवि पर्यटन व्यवसायी सुमन घिमिरे उर्वरा डायोस्पोरा साहित्य सम्मान बाट कवि/साहित्यकार नरेश काङमाङ,उर्वरा राष्ट्रिय पर्वतारोहण सम्मानबाट सगरमाथा आरोही देउराली चाम्लिङ,उर्वरा राष्ट्रिय बहु आयामिक कला सम्मानबाट कलाकार लक्ष्मण श्री,उर्वरा राष्ट्रिय युवा उद्यम सम्मानबाट हरी ठकुरी,उर्वरा राष्ट्रिय समाजसेवा रत्न सम्मानबाट रिमा सापकोटा,उर्वरा डायोस्पोरा गीतकार सम्मानबाट गीतकार भुपेन्द्र महत र उर्वरा समाजसेवी सम्मानबाट समाजसेवी शोभाकन्त पाण्डे समानित हुनु हुने भएको छ।कार्यक्रम मंसिर १४ गतेको दिन नेपाल पर्यटन बोर्डको सभा हलमा हुने भएको छ।
कार्यक्रममा प्रमुख अतिथिको रुपमा लोकप्रिय युवा नेता पूर्व स्वास्थ्यमन्त्री गगन थापा रहनुहुने फाउण्डेशनकी अध्यक्ष देवकी अभिलाषीले मिडियाबाजी डटकमलाई जानकारी दिनुभयो।
